SuperDizionari

tant e tant loc.av.

Cun valôr di superlatîf di tant

sinonims

tant che mai, tant che ce, tant che mai ce, che mai, une vore, un grum, tant, cetant, che mai ce

esemplis

"une ploie lizerine e regolâr / sborfave i cjamps da la montagne al mâr, / e dopo un ventesel di paradîs, / tant e tant sospirât tei nestris dîs, / scovave adasiut fûr dal Friûl / ducj i vanzums di nûl"

gjavât fûr di "La Primevere" di Pieri Çorut

""E cussì o ai scomençât a olêi ben ancje jo, e cumò, mame, i vuei ben tant e tant e par simpri: murî, podarai, ma nô rinunziâ a lui, ma no adatâmi a sei bandonade di lui""

gjavât fûr di "A ogni cost" di Vittorio Vittorello

tant e tant loc.coniun., loc.av.

Par rimarcâ o par introdusi une aversative

sinonims

ma, però, dut câs, in dut câs, in ogni mût, epûr, cun dut achel

esemplis

""Eh, o soi ancje jo dizun, al pensà il lavorent, e in trê o sì o no che mi restarà nuie, ne par gustâ ne par sene." Ma tant e tant al le a cjoli il zeut e: "Se si indegnais!..." ur disè tal gjavà fûr la pinze"

gjavât fûr di "Il solt dal Signôr" di Catarine Percude

"o 'nd ai tancj dai miei intes sfondaris di cjadaldiaul, e tant e tant o me gjolt l'istès"

gjavât fûr di "La invidiose" di Luigi Gortani

"al devente ancjemò plui dificil di tirâ dongje lis fuarcis e lis animis dal furlanisim. Tant e tant , la “cuistion furlane” e reste"

gjavât fûr di "E covente une Patrie sfaçade" di Ricart Urban, Luche Nazzi

tant e tant loc.av.

Par rimarcâ o par introdusi une concessive

sinonims

cun tant che, cun dut che, ancje se, si ben che, se ben che

esemplis

"in chel a passe par di là la none e lu viôt a zuiâ [di azart]. "Ah, trist, tant e tant che ti ai racomandât di no zuiâ! El zûc sarà sigûr la tô ruìne!""

gjavât fûr di "Blancjuteflôr e il zuiadôr" di Dolfo Zorzut

monolengâl